ປະຫວັດຜູ້ຂຽນ

ກອນນີ້  ລອງແຕ່ງແຕ້ມ                                       ໄຂກ່າວເປັນຄຳກອນ

ລາຕີນອນໆຝັນ                                                            ບໍ່ອາດຫຼັບລົງໄດ້

ຈິ່ງໄດ້ມີກອນນີ້                                                              ບັນຍາຍຂຽນປະຫວັດຜ່ານ

ລົງກາບກອນນີ້ໄວ້                                                         ພໍຊິໄດ້ອ່ານດູ  ທ່ານເອີຍ

      ທຸກທ່ານຄົງຄ່ອຍຮູ້                                                 ທ. ທ້າວ ເມືອງແພນ ຂຽນ

ສິ່ງທີ່ພຽນຂຽນມາ                                                         ແມ່ນນາມປາກກາ ທ້າວ

ຄູນພະໄທນາມແທ້                                                         ນາມດີອັນມີຄ່າ

ລູກຊາວນານີ້ແລ້ວ                                                          ແນວຊັ້ນຕ່ຳໝອງ

      ທີ 12  ເຈີດຈ້າ                                                           ກຸມພາເກີດເປັນບຸດ

86  ປີຂານ                                                                      ແມ່ທໍລະມານລົ້ນ

ເກີດເປັນຄົນຢູ່ດິນກວ້າງ                                                 ບ້ານເຊໂນທີ່ເຂົາຊ່າ

ໃຫຍ່ຂື້ນມາຈິ່ງຮູ້ກ້ຳ                                                         ນາມແທ້ຊື່ພໍ່ຕົນ

      ສົມຄິດຄືພໍ່ເຈົ້າ                                                         ບັງເກົ້າເກີດເຮົາມາ 

ແມ່ນາລີຂອງຮຽມ                                                           ບໍ່ອາດລືມລົງໄດ້

ອາໃສຫຼາຍປີແລ້ວ                                                           ວຽກການງານຄອບຄົວສົ່ງ

ລົງກອງພັນຫ້ານ້ອຍ                                                       ຄອບຄົວຂ້ອຍຊີບພໍ່ຕົນ

      ແປດພັນສາຜ່ານພົ້ນ                                                ເຂົ້າອ່ານປາກກາຂຽນ

ຢູ່ໂຮງຮຽນກອງພັນ                                                        ເຫຼົ່າທະຫານຮຽນຮູ້

ປໍນຶ່ງຄູສອນຂີ້                                                                 ອາຈານສັງຜູ້ພາອ່ານ

ຄອບຄົວເລີຍຜ່ານຍ້າຍ                                                    ເມືອກ້ຳຊ່າລື

      ອັດຕະປືຖິ່ນນີ້                                                          ບ້ານເກົ່າບິດາຮຽມ

ພ້ອມພ່ຳພຽນການສຶກສາ                                              ຮ່ຳຮຽນຂຽນຮູ້

ຍ້າຍຢູ່ດິນແດນນີ້                                                            ມີນາມໂພນສະຫວ່າງ

ສາມັກຄີເອກອ້າງ                                                            ເມືອງບ້ານຢູ່ເຊົາ

       ຮອດມ6ຂິ່ງເຂົ້າ                                                        ຊາວໜຸ່ມມີຖຸນາ

ໃນເວລາ 11                                                                     ແຫ່ງວັນທີນີ້

ຕົກໃນປີ ຄ.ສ ຢັ້ງ                                                              ຈົບສາມັນ 2004

ມີຊື່ຂຽນຂີດໄວ້                                                                   ຈິ່ງໄລບ້ານແຫ່ງຕົນ

      ທ້າວຈິ່ງຈອນຈາກບ້ານ                                               ຖານຖິ່ນດິນນາ

ການສຶກສາບໍ່ເຄີຍຖອຍ                                                    ຄ່ອຍຂີດຂຽນຮຽນຮູ້

ຢູ່ແດນຄູຈຳປາຕັ້ງ                                                            ສະຖາບັນການຮຽນຮ່ຳ

ເປັນໜຶ່ງນຳເອກອ້າງ                                                         ປະສານຮູ້ຄູ່ຊູ່ແນວ

      ປີທີນຶ່ງນີ້ແລ້ວ                                                              ທີຊາວຖ້ວນພາກຮຽນສອງ

ເຂົ້າວຽກງານຖັນແຖວ                                                      ໜ່ວຍກຳມະບານພ້ອມ

ພຶດສະພາເດືອນນີ້                                                             2005 ປີທີ່ລືຊ່າ

ພັດທະນາຊອກຮູ້                                                                ບໍ່ມີມື້ເສື່ອມຖອຍ

      ທຸກວັນບໍ່ຄິດຄ້ອຍ                                                        ລ້າລ່ອຍການສຶກສາ

ຈົນຜ່ານມາປີທີ່ສາມ                                                            ຈົ່ງຈຽມຄະແນນໄວ້

ຄິດໃນໃຈບໍ່ໄລແທ້                                                                ອົດທົນເອົາໄວ້ເສຍກ່ອນ

ນຶ່ງເດືອນປາຍຂ້ອນໆ                                                            ຊິຈົບບັ້ນຮ່ຳຮຽນ

      ຈິ່ງໄດ້ຂຽນແຕ່ງແຕ້ມ                                                     ເພີຍເພີກອາລົມຝັນ

ທຸກໆວັນນອນຄິດ                                                                ບໍ່ອາດພັນລະນາໄດ້

ຊີວິດໃນພາຍໜ້າ                                                                ຈະສະບາຍແສນສຸກຫຍິ່ງ

ຖ້າເຮົາຄິດແຕ່ງແຕ້ມ                                                          ແຊມຮູ້ຄູ່ຊູ່ແນວ

      ແຕ່ແລ້ວ  ແຕ່ງມາຮອດບ່ອນບັ້ນ                                  ລາຕີຣຂ້ອນໂມງແຂນ

ຄິດເຖິງແຟນທີ່ເຄີຍຮັກ                                                       ບໍ່ອາດລືມລົງໄດ້

ຊື່ວ່າແອນນາເຈົ້າ                                                                  ທົນຄວາມເຫງົາທຸກເຊົ້າຄ່ຳ

ນຳຄົນຮັກຫຸ່ນນ້ອຍ                                                              ອີ່ຕົນຂ້ອຍໄດ້ແຕ່ຝັນ

      ແສນຊິຮັກຍິ່ງລ້ຳ                                                            ກໍ່ຈຳຈາກກັນໜີ

ເພາະຊີວີຍັງຫວັງ                                                                ຮ່ຳຮຽນຂຽນຮູ້

ອາຊີບຄູບໍ່ມີຢັ້ງ                                                                   ເວລາໃດທະລຸຜ່ານ

ແສນເນີນນານຍິ່ງແທ້                                                         ບໍ່ແປປີ້ນປ່ຽນໄປ

      ຮັກໃນໃຈຍິ່ງແທ້                                                             ບໍ່ເຄີຍເລີກລືມຫຼົງ

ຮັກຍັງຄົງຫວນຄິດ                                                               ຮຸ່ນສາວແອນນານ້ອຍ

ຮັກບໍ່ລອຍໆວິ້ງ                                                                     ຫາຍິງສາວຄົນໃໝ່

ຮັກຝັງໃຈຍຶດໝັ້ນ                                                                ນຳເຈົ້າແຕ່ຝ່າຍດຽວ

       ລ້ຽວມາເຖິງຄິດຮອດບ້ານ                                              ພໍ່ແມ່ຂອງຮຽມ

ເປັນຈັ່ງໃດເດນໍ                                                                    ພໍ່ຕົນມານດາເຈົ້າ

ຢາກຊ່ວຍແຮງຍາມເຖົ້າ                                                      ເຂົ້າອາຫານຫວານແຕ່ງ

ເບິ່ງແຍງຊຸກຊ່ວຍຊ້ວນ                                                        ຍາມເຖົ້າແກ່ສະລາ

      ເບິ່ງເວລາຕອນນີ້                                                            ບ່າຍທ່ຽງຄືນຫາວ

ແນມເບິ່ງດາວແສງຍິບ                                                         ນັ່ງຂຽນບັນຍາຍຂໍ້

ຫໍພັກນອນໆ ງຽບ                                                                 ຫຼາຍຄົນນອນຝັນຢູ່

ລາງຄົນໂກນກືດໆ                                                                  ລາຕີຮມຶດເຜັ່ນຜາຍ

      ສຸດທ້າຍ  ຂໍນົບນ້ອມ                                                        ລາຂີດປາກກາຂຽນ

ຂໍກາບລາລົງກອນ                                                                 ກ່າວລາກ່ອນເດີເຈົ້າ

ແຕ່ໃຈເຮົາຄິດເຖິງຊູ້                                                              ເວລາໃດບໍ່ຮູ້ເມື່ອ

ຫຼັບເຊືອບລົງບ່ອນບັ້ນ                                                          ຕອນນີ້ແລ້ວທ່ານເອີຍ